Hugmyndavinna
Snjöll og sterk hugmynd í áhrifamikilli útfærslu getur margfaldað árangur í markaðsstarfi. Á Fíton er ávallt gengið skipulega og vasklega til verks við leitina að réttu hugmyndinni og hún svo útfærð fyrir þá auglýsingamiðla sem henta hverju sinni. Þótt ákveðnir kjarnahópar sjái um daglega vinnu fyrir hvern viðskiptavin, eru fleiri úr þeim fjölbreytta og hæfileikaríka flokki sem starfar á stofunni kallaðir til þegar blásið er til sérstakrar sóknar.

Hönnun
Hönnun auglýsinga, vörumerkja, markpósts, umbúða, umhverfismerkinga og annarra athyglisverðra prentgripa hefur verið einn helsti styrkleiki Fítons allt frá stofnun fyrirtækisins og hefur stofan hlotið ófá verðlaun og viðurkenningar á þessu sviði. Á stofunni starfa nokkrir af þekktustu og reyndustu hönnuðum þjóðarinnar í bland við marga þá yngstu og efnilegustu.

Mótun vörumerkja
Fíton hefur unnið að uppbyggingu og mótun margra þeirra vörumerkja sem eru mest áberandi á Íslandi í dag. Fagleg greiningarvinna er lögð til grundvallar allri mörkunarvinnu stofunnar því vandaður undirbúningur skiptir öllu máli. Þekking og reynsla starfsfólks Fíton hefur bæði nýst til að blása nýju lífi í gamalgróin vörumerki og til að byggja ný frá grunni.

Markaðsráðgjöf
Fagleg markaðsráðgjöf er einn veigamesti þátturinn í starfsemi Fítons. Reynslan sýnir að því nánara sem samstarf stofunnar og stjórnenda fyrirtækja er, því betri árangur næst. Öllu máli skiptir að meta stöðuna á markaðnum rétt út frá bestu fyrirliggjandi rannsóknum og gögnum og beina kröftunum þangað sem mests árangurs er að vænta.

Birtingaráðgjöf
Fagleg birtingaráðgjöf tryggir að markhópurinn móttaki skilaboð viðskiptavinar á sem hagstæðastan hátt. Auglýsingamiðlun – Mindshare á Íslandi vinnur með Fíton að skipulagningu birtinga og byggir á faglegri úrvinnslu bestu fáanlegu markaðsgagna. Einnig býr Auglýsingamiðlun yfir sérhæfðri þekkingu og öflugum tengslum sem geta skipt sköpum og stuðlað að enn betri árangri